Vegna veðurútlits verður áður auglýstum plöntuskiptadegi frestað fram í næstu viku!
Plöntuskiptadagurinn í Eyjafjarðardeild GÍ verður þriðjudaginn 11. júní kl. 17.00 í Lystigarðinum.
Komið endilega með plöntur til að gefa og/eða fáið gefins plöntur. Við hittumst við bogahúsið. Lystigarðurinn á Akureyri
Sesselja Ingólfsdóttir frá Fornhaga stjórnar plöntuskiptunum af sinni alkunnu visku á plöntunum.
Hlökkum til að hittast og eiga góða stund,
Stjórnin
Viðburður: Plöntuskiptadagur að vori.
Staður: Við Bókasafn Kópavogs (á torginu milli safnanna)
Tími: Laugardagur 1. júní frá kl. 12:00 til 15:00
Það gleður okkur að tilkynna áframhaldandi samstarf við Bókasafn Kópavogs. Við munum endurtaka eftirminnilegan plöntuskiptidag á torginu milli safnanna laugardaginn 1.júní. Plöntur og tré, græðlingar og fræ, sáðplöntur og inniblóm, allt er þetta gjaldgengt til plöntuskipta. Einnig er í boði að skilja eftir gjafaplöntur fyrir þá sem eru að byrja í garðyrkjunni. Gott er að koma með eigin borð til öryggis.
Miðvikudaginn 15.maí 2024 kl. 20-22 í sal Garðyrkjufélagsins að Síðumúla 1 (gengið inn frá Ármúla).
Kolbrún Björnsdóttir grasalæknir og eigandi Jurtaapóteksins mun fræða okkur um tíu íslenskar lækningajurtir. Hvað þær gera, hvernig þær smakkast, hvar þær er að finna og hvernig hægt að nota þær. Góð og uppbyggjandi fræðsla fyrir sumarið☀️
Vefslóð á kynningarskjalið:
[Smellið hér til að sækja PowerPoint skjalið]
Þúsund þakkir til Helgu Ögmundardóttir fyrir ótrúlega fræðandi og persónulegan fyrirlestur um moltugerð. Þetta var klárlega fyrir ,,lengra komna“ og við sátum gapandi í salnum yfir þeim upplýsingum sem hún deildi með okkur um örverur og sveppi. Yfir 50 manns hlustuðu þótt rúmlega helmingur kysi að sitja heima í stofu, tæknin er dásamleg☺️ Moltugerð er viðfangsefni sem þarf að fara vel yfir og endurtaka. Matjurtaklúbbur GÍ, Hvannir hyggst vera með sýnikennslu fyrir byrjendur(sem og lengra komna) á næstunni og fara yfir aðferðir og reglur í moltugerð. Fylgist vel með og haldið áfram að molta👌🏻
Það gleður okkur að tilkynna áframhaldandi samstarf við Bókasafn Kópavogs. Við munum endurtaka eftirminnilegan plöntuskiptidag á torginu milli safnanna laugardaginn 1.júní. Plöntur og tré, græðlingar og fræ, sáðplöntur og inniblóm, allt gjaldgengt til plöntuskipta. Einnig í boði að skilja eftir gjafaplöntur fyrir þá sem eru að byrja í garðyrkjunni🙏🏻 Gott er að koma með eigin borð til öryggis☺️
Hvað gerir þú við þitt GULL?
Við minnum á viðburð okkar þriðjudaginn 30. apríl kl. 20:00 en þá verður Helga Ögmundardóttir með fræðsluerindi um MOLTUGERÐ í sal GÍ að Síðumúla 1.
Þetta er brýnt málefni sem á erindi inn á öll heimili hvort sem þú ert að vinna og endurnýta matar- eða garðafganga/afklippur.
Komið og kynnið ykkur málið.
Góð molta er gulli betri👌🏻
Viðburðinum verður streymt og vefslóðin er:
https://us06web.zoom.us/j/85114753655?pwd=RXBHnCvLHm3V7OzbCuChL3yyJVYJP5.1
Meeting ID: 851 1475 3655
Passcode: 798783
Heil og sæl kæru félagar, nú er komið að því að panta kartöfluútsæði.
Útsæðið kemur að norðan og opnað verður fyrir pantanir í vefverslun félagsins https://gardurinn.is/vefverslun/ kl. 20 í kvöld.
Opið verður fyrir pantanir í eina viku, dagana 16. – 23. apríl.
Athugið að sumar tegundir eru í takmörkuðu magni og gildir reglan fyrstur kemur fyrstur fær. Útsæðinu er pakkað í 500 gr. poka og hver og einn getur pantað einn poka af hverri tegund. Sama verð er á öllum tegundum, 600 kr.
Tegundir og verð sem eru í boði þetta árið eru eftirfarandi:
• Ben Lomond Ljósar, egglaga og góðar bökunarkartöflur.
• Blálandsdrottningin Hnöttóttar með djúp augu og ljóst mjölmikið kjöt.
• Kóngabláar Bláar og fallegar.
• Rauðar norskar Rauðar og bragðbóðar.
• Rússneskar frá Síberíu Hvítar og fallegar, hafa lengi verið ræktaðar í Eyjafirði.
Allar pantanir verður að sækja á skrifstofu félagsins, Síðumúla 1. Félagar fjarri höfuðborgarsvæðinu eru hvattir til að nýta sér ferðir vina og ættingja ef hægt er og því miður er ekki í boði að póstsenda útsæðið.
Sendur verður póstur á félagsmenn hvaða daga verður hægt að sækja pantanir og einnig verður tilkynning á heimasíðunni, gardurinn.is.
Félagar sem hafa áhuga á að aðstoða við pökkun á útsæðinu eru hvattir til að senda póst á gardurinn@gardurinn.is, allar auka hendur vel þegnar.
Pökkun og afgreiðsla er líkleg til að fara fram síðustu helgina í apríl.
Kæru félagar í Garðyrkjufélagi Íslands!
Stjórn GÍ boðar til aðalfundar félagsins fimmtudaginn 18. apríl kl. 19:30 í sal félagsins að Síðumúla 1.
Dagskrá aðalfundar:
1. Fundarsetning
2. Kosning fundarstjóra og ritara
3. Skýrsla stjórnar GÍ
4. Reikningar lagðir fram og skýrðir
5. Umræður um skýrslu stjórnar og reikninga
6. Reikningar bornir upp til samþykktar
7. Ákvörðun félagsgjalds
8. Tillögur um lagabreytingar, umræður og atkvæðagreiðsla
9. Kosning stjórnar, skoðunarmanna reikninga og starfsnefnda
10. Tillögur til ályktunar aðalfundar, umræður og atkvæðagreiðsla
11. Önnur mál
Að loknum aðalfundi verður erindi um lífræna ræktun í heimilisgarði.
Formaður og varaformaður GÍ deila reynslu og sýna myndir úr görðum sínum.
Kaffiveitingar að erindi loknu.
Fundinum verður streymt og slóðin er:
https://us06web.zoom.us/j/83340632521?pwd=RjDKioO59WAS4xm7JyiaAowVxvAUgh.1
Meeting ID: 833 4063 2521
Passcode: 788469
Kæru félagar
Aðalfundur Garðyrkjufélags Íslands 2024 verður haldinn fimmtudaginn 18. apríl í húsi félagsins að Síðumúla 1 í Reykjavík. Fundurinn hefst kl. 19:30.
Dagskrá: Venjuleg aðalfundarstörf.
Félagsmenn sem hafa áhuga á að bjóða sig fram í stjórn GÍ skulu senda formanni félagsins upplýsingar um framboð sitt að minnsta kosti 16 dögum fyrir aðalfund á netfangið formadur@gardurinn.is.
Félagsmenn eru hvattir til að gefa kost á sér til beinnar þátttöku í starfsemi félagsins.
Nánar auglýst síðar.
Bestu kveðjur
Stjórn GÍ
Það er bersýnilega vorhugur í landanum🌼 Hundrað manns í salnum 6. mars þegar María úr Innigörðum fór yfir handtökin við sáningar heimavið.
Fyrir fróðleiksþyrsta bendum við á heimasíðu Innigarða; <smellið hér>þar sem mikinn fróðleik er að finna og margt af því sem fram kom á viðburðinum er þar birt.
Bestu þakkir fyrir þáttökuna!
