Category: Óflokkað

Kæru félagar,

Nú er komið að þriðju garðaskoðun sumarsins.

Tveir garðar verða opnir á Selfossi föstudaginn 26. júlí milli klukkan 15:00 og 18:00. 

Opinn garður hjá Svölu að Kirkjuvegi 19, (rétt við miðbæinn). Um er að ræða garð þar sem aldar eru býflugur (Apis mellifera) og ræktunin tekur að einhverju leyti mið af því. Helst ekkert fer úr garðinum, allt er notað til uppgræðslu. Nokkur haugbeð eru í garðinum en Svala gefur okkur góð ráð um nýtingu. Nýgerð molta (frá í maí úr Bokashi og spæni) til sýnis, hitastigsmælingar og innihaldslýsingar á spjaldi. Allavegana 4 tegundir af sýrenum, fleder (svartyllir), toppar og japanskir hlynir. Lággróður t.d. jarðarber, hnoðrar, dvergavör og fleira nýtist í beðum ásamt kurli til að verjast arfa. 

Einnig verður opinn tilraunagarður Emblu (Gardalif.is) hjá foreldrum hennar að Engjavegi 67. Þar hefur hún safnað fjölærum tegundum frá því áhugi vaknaði á þeim árið 2013. Nú eru tegundirnar orðnar 135. Garðurinn er með villt yfirbragð sem fær takmarkaða umhirðu. Sú regla hefur verið sett að ekkert fer út úr garðinum og því hafa ýmsar leiðir verða prófaðar til að nýta afurðir hans. Þetta er fullkominn tími að sjá garðinn þar sem flest er í blóma á þessu tímabili. 

Hér getum við svo sannarlega lært sitthvað🌻 

Verið velkomin til Svölu og Emblu á Selfossi☀️

Fyrstu garðaskoðanirnar, s.l. mánudag,heppnuðust frábærlega í ljómandi góðu veðri og við þökkum kærlega fyrir okkur 😉

Nú líður að næstu tveimur, en þær verða þriðjudaginn 16. júlí á tímabilinu 16—18.

👉🏻Alda og Derek munu taka á móti okkur í verðlaunagarði sínum að Hjallabrekku 6 í Kópavogi.

👉🏻Lilja Sigríður mun taka á móti okkur að Grundargerði 7 í Reykjavík. 

Gleðilega garðaskoðun! Sjáumst á þriðjudag☀️

Fyrstu TVÆR garðaskoðanir GÍ verða núna, mánudaginn 8.júlí milli 16 og 18 í Reykjavík. 

👉🏻Inga Þyri Kjartansdóttir mun taka á móti okkur að Kvistalandi 20. 

👉🏻Sirrý Garðarsdóttir mun taka á móti okkur að Krosshömrum 14. 

Gleðilega garðaskoðun! Sjáumst á mánudag☀️

Kæru félagar 

Nú fer að líða að því að fyrsta garðaskoðun sumarsins verði auglýst. Við stefnum á að vera með sem flestar skoðanir, okkur til yndisauka og erum við enn að taka á móti ábendingum🌸 (Hjördís Rögn viðburðarstjóri.) Verið vakandi fyrir pósti frá okkur með dagsetningum og tímum💌

Góða garðaskemmtun í sumar með GÍ☀️

Kæru félagar!

Sumarferð Garðyrkjufélagsins verður farin mánudaginn 15. júlí næstkomandi. Ferðinni verður heitið á Suðurland og nánari dagskrá verður auglýst síðar en að sjálfsögðu verður hún jafn glimrandi skemmtileg og spennandi og undanfarin ár. Guðríður Helgadóttir, formaður GÍ verður fararstjóri.

Lagt verður af stað frá Árbæjarsafni kl. 9 og er áætluð heimkoma um kl. 17 sama dag. Verði er að vanda stillt í hóf og kosta herlegheitin kr. 8.500 á mann, innifalið í því er rúta, hádegisverður á Farmers Bistro á Flúðum (sjá nánar lýsingu hér fyrir neðan) og létt hressing á leiðinni.

Takmarkaður sætafjöldi er í boði (71 sæti í rútunni) og því gildir reglan að fyrstur kemur, fyrstur fær.

Að þessu sinni fer skráningin í ferðina eingöngu fram í vefverslun GÍ þar sem jafnframt er innheimt þátttökugjald. Vefslóðin er: Shop – Garðyrkjufélag Íslands (gardurinn.is).
Opnað verður fyrir skráningar laugardaginn 15. júní kl. 16:00. (ATHUGIÐ, ef pantað er fyrir tvo eða fleiri þátttakendur í einu þarf að setja magnið í vefversluninni jafnt og sætin sem óskað er eftir.)

Sælkerahlaðborð – kaffi & te innifalið
Innifalið í sælkerahlaðborði er sveppasúpa(laktósafrí og glúten laus)
með hvítum matarsveppum,kastaníusveppum og portobello sveppum.
Heimabakað hvítlauksbrauð, súrdeigsbrauð og byggbrauð. Papriku- og
chilli sulta, smjörsteikir sveppir með timian, papriku- og sveppa
tapenade, marenaðir sveppir, smjör, sveppasmjör og hvítlaukssmjör.

Vegna veðurútlits verður áður auglýstum plöntuskiptadegi frestað fram í næstu viku!

Plöntuskiptadagurinn í Eyjafjarðardeild GÍ verður þriðjudaginn 11. júní kl. 17.00 í Lystigarðinum.
Komið endilega með plöntur til að gefa og/eða fáið gefins plöntur. Við hittumst við bogahúsið. Lystigarðurinn á Akureyri
Sesselja Ingólfsdóttir frá Fornhaga stjórnar plöntuskiptunum af sinni alkunnu visku á plöntunum.
Hlökkum til að hittast og eiga góða stund,

Stjórnin

Viðburður: Plöntuskiptadagur að vori.
Staður: Við Bókasafn Kópavogs (á torginu milli safnanna)
Tími: Laugardagur 1. júní frá kl. 12:00 til 15:00

Það gleður okkur að tilkynna áframhaldandi samstarf við Bókasafn Kópavogs. Við munum endurtaka eftirminnilegan plöntuskiptidag á torginu milli safnanna laugardaginn 1.júní. Plöntur og tré, græðlingar og fræ, sáðplöntur og inniblóm, allt er þetta gjaldgengt til plöntuskipta. Einnig er í boði að skilja eftir gjafaplöntur fyrir þá sem eru að byrja í garðyrkjunni. Gott er að koma með eigin borð til öryggis.

Miðvikudaginn 15.maí 2024 kl. 20-22 í sal Garðyrkjufélagsins að Síðumúla 1 (gengið inn frá Ármúla).

Kolbrún Björnsdóttir grasalæknir og eigandi Jurtaapóteksins mun fræða okkur um tíu íslenskar lækningajurtir. Hvað þær gera, hvernig þær smakkast, hvar þær er að finna og hvernig hægt að nota þær. Góð og uppbyggjandi fræðsla fyrir sumarið☀️

Vefslóð á kynningarskjalið:
[Smellið hér til að sækja PowerPoint skjalið]

Þúsund þakkir til Helgu Ögmundardóttir fyrir ótrúlega fræðandi og persónulegan fyrirlestur um moltugerð. Þetta var klárlega fyrir ,,lengra komna“ og við sátum gapandi í salnum yfir þeim upplýsingum sem hún deildi með okkur um örverur og sveppi. Yfir 50 manns hlustuðu þótt rúmlega helmingur kysi að sitja heima í stofu, tæknin er dásamleg☺️ Moltugerð er viðfangsefni sem þarf að fara vel yfir og endurtaka. Matjurtaklúbbur GÍ, Hvannir hyggst vera með sýnikennslu fyrir byrjendur(sem og lengra komna) á næstunni og fara yfir aðferðir og reglur í moltugerð. Fylgist vel með og haldið áfram að molta👌🏻
Það gleður okkur að tilkynna áframhaldandi samstarf við Bókasafn Kópavogs. Við munum endurtaka eftirminnilegan plöntuskiptidag á torginu milli safnanna laugardaginn 1.júní. Plöntur og tré, græðlingar og fræ, sáðplöntur og inniblóm, allt gjaldgengt til plöntuskipta. Einnig í boði að skilja eftir gjafaplöntur fyrir þá sem eru að byrja í garðyrkjunni🙏🏻 Gott er að koma með eigin borð til öryggis☺️

Hvað gerir þú við þitt GULL? 

Við minnum á viðburð okkar þriðjudaginn 30. apríl kl. 20:00 en þá verður Helga Ögmundardóttir með fræðsluerindi um MOLTUGERÐ í sal GÍ að Síðumúla 1.
Þetta er brýnt málefni sem á erindi inn á öll heimili hvort sem þú ert að vinna og endurnýta matar- eða garðafganga/afklippur. 

Komið og kynnið ykkur málið. 

Góð molta er gulli betri👌🏻

Viðburðinum verður streymt og vefslóðin er:
https://us06web.zoom.us/j/85114753655?pwd=RXBHnCvLHm3V7OzbCuChL3yyJVYJP5.1

Meeting ID: 851 1475 3655
Passcode: 798783