Author: Vilhjálmur Sigurjónsson

Aðalfundur Garðyrkjufélags Íslands verður haldinn miðvikudaginn 9. apríl nk. kl. 19:30 í sal GÍ að Síðumúla 1 (gengið inn frá Ármúla).

Dagskrá aðalfundar:

1. Fundarsetning
2. Kosning fundarstjóra og ritara
3. Skýrsla stjórnar GÍ
4. Reikningar lagðir fram og skýrðir
5. Umræður um skýrslu stjórnar og reikninga
6. Reikningar bornir upp til samþykktar
7. Ákvörðun félagsgjalds
8. Tillögur um lagabreytingar, umræður og atkvæðagreiðsla
9. Kosning stjórnar, skoðunarmanna reikninga og starfsnefnda
10. Tillögur til ályktunar aðalfundar, umræður og atkvæðagreiðsla
11. Önnur mál

Framboð til stjórnarkjörs: Til varaformanns Hjördís Rögn Baldursdóttir, meðstjórnendur Björn Ingi Stefánsson og Íris Stefánsdóttir.
Engar lagabreytingatillögur liggja fyrir né heldur ályktanir aðalfundar frá stjórn.

Að loknum aðalfundarstörfum verður fræðsluerindi; Sigríður Soffía Níelsdóttir: «Ræktaðu flugelda í garðinum».
Sigga Soffía verður með kynningu á starfi sínu, verkinu Eldblóm sem er staðsett í Hallargarðinum við Fríkirkjuveg. Þar plantar hún árlega 850 mismunandi blómum, m.a gríðarstórum dalium og liljum. Einnig mun hún gefa okkur að smakka á vöru sinni, drykk sem unninn er úr Eldblómunum sjálfum.

Stjórn GÍ

Fræðsluerindi verður í sal Garðyrkjufélagsins, Síðumúla 1 (gengið inn frá Ármúla), mánudaginn 24. mars kl. 19:30.

Katrín Halldóra Árnadóttir, stofnandi Ecospíra, ætlar að fræða okkur um spírur og gífurlegan heilsufarsávinning þess að neyta þeirra. Hvaða fræ eru best til spírurnar í heimaræktun, hvaða áhöld og búnað er gott að nota og hverju ber að huga að við spíruræktun, uppskeru og geymslu. 

Vissir þú að spírur losa bólgur úr líkamanum? https://www.ruv.is/oflokka-eldra-efni/viss-um-ad-haegt-se-ad-utryma-lifstilssjukdomum

Viðburðinum verður streymt og er slóðin

https://us06web.zoom.us/j/86721913293?pwd=8sLR1x8M8F7MoyqD4XLptAg6gUn5SZ.1

Meeting ID: 867 2191 3293
Passcode: 344002

Sýnikennsla: Hvað er vetrarsáning og hvernig stöndum við að henni?
Fimmtudaginn 27. febrúar kl. 19:30 í sal Garðyrkjufélagsins að Síðumúla 1 (gengið inn frá Ármúla).
Fanney Margrét Jósepsdóttir, formaður Suðurnesjadeildar Garðyrkjufélagsins sýnir hvernig best er að standa að vetrasáningu matjurta. Farið verður yfir helstu kosti vetrarsáningar en einnig hvenær og fyrir hverju á að sá.
Þá ætlar hún að sýna einfaldar aðferðir sem allir geta prufað og framkvæmt heima.
Öll hjartanlega velkomin og erindið er ókeypis.

Ágústa Erlingsdóttir verður með fræðsluerindi um klippingar á gróðri:
Salur GÍ, Síðumúla 1 (gengið inn frá Ármúla) 19.feb kl.20:00-21:30.

Ágústa veit sitthvað um trjá og runnaklippingar enda fædd og uppalin í garðyrkjufaginu. Hvenær er hentugasti tíminn til að klippa og af hverju? Hvað gerist í plöntunum þegar við klippum og hvernig getum við tryggt að sár lokist hratt og vel? Skiptir máli hvaða tegund er verið að klippa?
Farið verður yfir helstu atriði sem gott er að hafa í huga við trjá og runnaklippingar, hvernig á að bera sig að og hvað við getum gert til að tryggja góðan árangur.
Kaffi og kex að vanda :0)

Viðburðinum verður streymt og er slóðin:
https://us06web.zoom.us/j/87612406231?pwd=jpo5WgbhkuuXzckDk97iaCRwptSE7H.1
Meeting ID: 876 1240 6231
Passcode: 086121

Kæru félagar!
Í sal Garðyrkjufélagsins, Síðumúla 1
Tími: Þriðjudagur 14. janúar kl. 20:00-21:30
Við ætlum að byrja þetta afmælisár á garðyrkjuspjalli og kaffi með okkar einu sönnu Gurrý en hún ætlar sjálf að baka fyrir okkur eins og ,,fermetra af marengs“ (hennar orð). Við ætlum að láta okkur dreyma um vorið og fara yfir hvað við getum gert skemmtilegt á árinu. Garðyrkjufélagið á 140 ára afmæli á þessu ári og af því tilefni langar stjórn félagsins að bjóða félögum til skrafs og ráðagerða um helstu verkefni félagsins. Ef þið hafið hugmyndir um það hvað ykkur finnst að félagið eigi að gera á árinu í tilefni afmælisins, hvaða verkefnum félagið eigi almennt að sinna eða viljið koma öðrum hugmyndum á framfæri þá er tilvalið að mæta í kaffispjallið á þriðjudaginn.
Hittumst kæru félagar og eigum ljúfa stund saman!

Garðyrkjufélag Íslands sendir félagsmönnum sínum og öðrum landsmönnum hugheilar óskir um gleðileg jól og farsælt komandi ræktunarár. Kærar þakkir fyrir gróskumikið samstarf, blómlegar heimsóknir, líflega viðburði og blómstrandi garðrækt á árinu sem er að líða. Við göngum spennt til leiks á afmælisári félagsins en á vordögum 2025 fagnar Garðyrkjufélag Íslands 140 ára afmæli sínu. Njótið hátíðanna og munið að vorsáningarnar eru rétt handan við hornið.

Bestu hátíðarkveðjur
Stjórn Garðyrkjufélags Íslands

Langar þig að læra að gera fallegan haustkrans? Við ætlum að bjóða upp á kennslu í haustkransagerð
þriðjudaginn 1. október og hefst hún kl. 19 og stendur til kl. 22 – í sal Garðyrkjufélagsins, Síðumúla 1.
Verðið er 5000 kr og innifalið er grunnefni (basthringur, vírrúlla, pinnar og undirlag), gott vinnusvæði, kennsla (þrír blómaskreytar verða á staðnum), kaffi og kex eins og vanalega og góðri stemningu heitið🌸
Það eina sem þú þarft að gera er að kíkja í þitt nærumhverfi (eða sveit) og klippa niður efni til að binda í kransinn. Betra að sækja sér meira en minna. Við munum aðstoða með val á efni áður en vinnustofan á sér stað en gott dæmi er kransinn efst í auglýsingunni. Lyng, sölnuð blóm og greinar👌🏻 Erikur eru einnig sniðugar til að gefa meiri lit. Skráningar á heimasíðunni okkar undir vefverslun!

Eins og undanfarin ár gengst Hvannir, matjurtaklúbbur Garðyrkjufélagsins fyrir innflutningi á lauk á þessu hausti – hvítlauk og schalottlauk.

Frá og með 11. september geta félagsmenn í Garðyrkjufélaginu pantað lauk í vefverslun félagsins (https://gardurinn.is/vefverslun/). Gera þarf pöntun í síðasta lagi miðvikudaginn 18. september.

Um er að ræða fimm gerðir hvítlauks – allar upprunnar í Frakklandi en keyptar hingað frá miðlara í Svíþjóð. Ein ný tegund er í boði (Aulxito), en aðrar tegundir hafa reynst vel hér og uppskera verið góð. Um er að ræða hvítlauksafbrigðin  Aulxito, Germidour, Messidrome, Sabagold og Thermidore. Shallot laukurinn er af afbrigðinu Longor.

Þegar vitað er hversu mikið magn hefur verið pantað verður heildsalanum í Svíþjóð gert viðvart og má reikna með að laukurinn verði tilbúinn til afgreiðslu hjá Garðyrkjufélaginu í Síðumúla 1, Reykjavík, fyrir miðjan október og þá er best að planta lauknum strax út í beð.

Hver hvítlaukur kostar 800 krónur en schalottlaukurinn 190 krónur.

Nánar um laukana

GERMIDOUR: Snemmsprottinn og öflugur laukur, fjólublár, 8-20 rif. Flöt grös og auðvelt að flétta til þurrkunar og geymslu. Getur myndað æxlilauka á grasinu. Uppskera um eða upp úr miðjum ágúst (örlítið fyrr en Thermidrome).

THERMIDROME: Snemmsprottinn, stór laukur, 14-21 rif. Öflugt afbrigði. Auðvelt að flétta til þurrkunar og geymslu. Getur myndað æxlilauka. Uppskera upp úr miðjum ágúst.

SABAGOLD: Snemmsprottinn og stór laukur, svolítið fjólublár, 10-18 rif. Auðvelt að flétta til þurrkunar og geymslu. Uppskera um eða uppúr miðjum ágúst.

MESSIDROME: Snemmsprottinn, ekki stórvaxinn, örlítið fjólublár, 14-18 rif, fléttast vel saman til þurrkunar og geymslu. Getur myndað æxlilauka. Af mörgum talinn vera hinn klassíski franski hvítlaukur.

AULXITO: Nýleg sort, frekar stór laukur, hvítur, ca. 15-20 rif. Hentar mjög vel til geymslu. Grösin henta ekki til að flétta saman. Getur myndað æxlilauka. Á að vera snemmsprottinn.

LONGOR shallot laukur: Settur niður að hausti, má taka upp í byrjun ágúst árið á eftir. Vex í stjörnu – hver laukur getur allt að sexfaldast. Hentar vel til geymslu.

Kæru félagar

Við ætlum að hafa skemmtilegt félagaspjall um FRÆ miðvikudaginn 11.september í salnum okkar að Síðumúla 1 og hefst viðburðurinn kl. 20:00.
Hvernig haga plöntur sér og hverju ber að horfa eftir er kemur að fræsöfnun. Þetta verður ekki beint fyrirlestur, heldur ætlum við að skiptast á upplýsingum og reynslusögum. Frænefnd GÍ verður á staðnum ásamt Hjördísi Rögn sem hefur það að atvinnu þessa dagana að tína blómafræ í Grasagarði Reykjavíkur.

Við hvetjum fólk til að koma með fræbelgi með sér sem á eftir að hreinsa og við skoðum þá í sameiningu.

Hlökkum til að hitta ykkur, læra saman og bæta í fræbankann okkar.