Um Félagið

Starfsemi Garðyrkjufélags Íslands

Fræðslufundir og námskeið

Félagið stendur fyrir fjölda fyrirlestra og námskeiða á hverju ári. Sýnikennsla, myndasýningar og uppákomur af ýmsu tagi, ætluð bæði félagsmönnum og áhugafólki utan félags. Félagið hefur í áratugi haft umsjón með, eða komið að, garðyrkjuþáttum á öldum ljósvakans, sjónvarpi og dagblöðum.   Útgáfa fræðsluefnis Garðyrkjuritið kemur út árlega. Ritið inniheldur fræðslugreinar sem leikir og lærðir hafa samið um gróður og ræktun. Garðyrkjuritið hefur komið út svo til óslitið frá árinu 1895.   Félagið hefur gefið út bækur um valið efni. Þar má nefna Garðurinn – hugmyndir að skipulagi og efnisvali, Rósir, Matjurtabókin, Skrúðgarðabókin og Sveppakverið. Einnig hafa verið gefin út smárit um sérhæfð efni tengd ræktun Bókasala og bókasafn Garðyrkjufélagið hefur  til sölu um 200 titla af innlendum og erlendum bókum sem tengjast öllum sviðum ræktunar. Bókasafn félagsins geymir fjölda bóka, sem margar hverjar eru ófáanlegar annars staðar. Garðaskoðun og þátttaka í sýningum Félagið tekur þátt í garðyrkjusýningum hér á landi og heimsækir sýningar erlendis. Garðaskoðun víðs vegar um landið, svo og garðagöngur í skrúðgörðum eru stór þáttur í starfsemi félagsins. Fræbanki Fjölmargir félagar Garðyrkjufélagsins safna fræjum í eigin garði, hreinsa þau og senda félaginu. Innsend fræ félagsmanna eru uppistaðan í fræbanka félagsins. Félagsmenn geta síðan pantað fræ af listanum gegn vægu gjaldi. Nýr frælisti er gefinn út á hverju ári og birtur á heimasíðunni í febrúar – mars. Listinn inniheldur að jafnaði 500-1000 tegundir og yrki. Fjöldi fræsorta hverju sinni fer eftir árferði. Plöntuskiptidagur Plöntuskiptadagur er haldinn 1sinni – 2svar á ári bæði á höfuðborgarsvæðinu og á landsbyggðinni. Félagsmenn mæta með plöntur úr eigin ræktun, skipta við félaga, miðla upplýsingum og ræktunarreynslu.   Klúbbar Markmið klúbba Garðyrkjufélagsins er meðal annars að koma á framfæri sérhæfðri þekkingu á hverju sviði fyrir sig og gefa félagsmönnum tækifæri til að sinna sérstökum áhugamálum á sviði garðyrkju. Helsta starfsemi klúbba er að skapa grundvöll fyrir tegnsl milli félagsmanna sem hafa svipað áhugasvið. Klúbbarnir flytja heim aukna þekkingu til félagsmanna, með samstarfi við erlenda aðila og með ferðum á sýningar erlendis. Auka fjölbreytileika í ræktun hér á landi með innflutningi fræja og ungplantna. Þátttakendur í klúbbum eru því oft frumkvöðlar í ræktun nýrra tegunda. Þeir klúbbar sem nú eru starfandi eru: Ávaxtaklúbbur  – Bjarkir sumarhúsaklúbbur – Sígræni klúbburinn – Hvannir matjurtaklúbbur – Rósaklúbbur – Blómaskreytingaklúbbur