Posted on

Starfsemi GÍ

Garðyrkjufélagið býður upp á garðlönd og fræðslu á höfuðborgarsvæðinu undir nafninu Grenndargarðar. 

Gildi félagsins eru sköpunargleði, umhyggja, þrautseigja og forvitni. Áherslur í starfi félagsins eru í stöðugri endurskoðun og taka breytingum í takt við nýja tíma.

 

Helstu þættir í starfi félagsins eru:

 

Heimasíða

Öflug og virk heimasíða félagsins miðlar fréttum og fróðleik um ræktun gróðurs og efni því tengdu. (http://gardurinn.is)  Félagið er einnig virkur þátttakandi á Facebook.

 

Útgáfumál

  • Garðyrkjuritið,árbók félagsins er innfalið í félagsgjaldinu og kemur út ár hvert, að mestu óslitið frá árinu 1895. Í því er mikill fróðleikur og áhugaverðar greinar um allt er viðkemur gróðri og görðum og öðrum umhverfismálum því tengdu.
  • Garðurinn, frétta og fræðslublað félagsins kom út um langt árabil en ný tækni hefur opnað nýja leið til að koma fréttum og tilkynningum til landsmanna.
  • Í gegnum tíðina hefur GÍ staðið að útgáfu bóka um valið efni svo sem Hvannir, Rósir, Matjurtabókina, Skrúðgarðabókina, Sveppakverið og Garðinn – hugmyndir að skipulagi og efnisvali

Bókasala

Garðyrkjufélagið hefur á boðstólum um 200 titla af bókum sem tengjast garðyrkju og öðrum umhverfismálum.

 

Fræðslufundir, námskeið,  garðaskoðun og fleira

Fræðslufundir eru snar þáttur í starfsemi Garðyrkjufélagsins. 

  • Garðyrkjufélagið býður uppá öflug námskeið ætluð bæði félagsmönnum og áhugafólki utan félags.
  • Félagið hefur í áratugi haft umsjón eða komið að garðyrkjuþáttum á öldum ljósvakans, sjónvarpi og dagblöðum. 
  • Félagið tekur þátt í garðyrkjusýningum hér á landi og heimsækir sýningar erlendis.
  • Garðaskoðun  og Garðagöngur er árlegur viðburður hjá Garðyrkjufélaginu.
  • Árlegur plöntuskiptidagur er haldin víða um land. Þetta er dagur félagsmanna til skiptast á plöntum og miðla upplýsingum.  

 

Samstarf og verkefni.

  • Garðyrkjufélagið býður upp á garðlönd og fræðslu á höfuðborgarsvæðinu undir nafninu Grenndargarðar. 
  • Verkefninu Aldingarður æskunnar var formlega hleypt af stokkunum í Steinahlíð við Suðurlandsbraut 2014. Markmið verkefnisins er vekja upp áhuga og löngun yngstu kynslóðarinnar til að rækta og nota nytjaplöntur. Stefnt er að þátttöku sem flestra  sveitarfélaga. Aldingarður Æskunnar var opnaður á Sólheimum 2015 og í Reykjanebæ og á Ólafsfirði 2019.
  • Fulltrúi Garðyrkjufélags Íslands á sæti í stjórn framkvæmdarsjóðs Skrúðs í Dýrafirði. Skrúður, grasa- og trjágarðurinn við Núp í Dýrafirði sem stofnaður sem lifandi kennslustofa af séra Sigtryggi Guðlaugssyni skólastjóra Unglingaskólans að Núpi 1909
  • Garðyrkjufélag Íslands á frumkvæði að stofnun Urtagarðsins í Nesi á Seltjarnanesi og situr fulltrúi félagsins í stjórn hans. Urtagarðurinn er lifandi safn urta sem gegnt hafa hlutverki í lækningum og lyfjagerð og sem nytjajurtir til matar, næringar og heilsubóta að fornu og nýju.
  • Garðyrkjufélagið er í samstarfi við Kópavogsbæ um lifandi plöntusafn í Meltungu í Kópavogi. Hlutverk safnsins er að miðla upplýsingum um tegundir og yrki plantna.
  • Félagið er í samstarfi við Kópavogsbæ og Skógræktarfélags Kópavogs um umhirðu og rekstur Hermannsgarðs sem stofnaður var í minningu Hermanns Lundholm garðyrkjuráðunauts og heiðursfélaga GÍ.
  • Rósagarður Rósaklúbbs Garðyrkjufélags Íslands er í samstarfi við Reykjavíkurborg og Yndisgróðurs um rekstur Rósagarðs í Laugardal í Reykjavík. Garðurinn var stofnaður til heiðurs Jóhanns Pálssonar, grasafræðings og fyrrverandi garðyrkjustjóra Reykjavíkurborgar. Í rósagarðinum vaxa hundruð tegunda og yrkja sem merktar eru fólki til fróðleiks.
  • Samstafsverkefni er um rekstur Rósagarðs í Höfðaskógi í Hafnafirði milli Rósaklúbbs Garðyrkjufélags Íslands, Hafnarfjarðarbæjar og Skógræktarfélags Hafnarfjarðar. Nokkur hundruð merktar tegundir og yrki rósa vaxa þar villtar í skóglendi.
  • Ávaxtaklúbbur Garðyrkjufélagsins er í samvinnu við Kópavogsbæ og Landbúnaðarháskóla Íslands í tilraunaverkefni við ræktun ávaxtatrjáa í Meltungu í Kópavogi.
  • Aldintrjáa safn opnað á Sólheimum 2015 Samstarfsverkefni GÍ og Sólheima.
  • Samstarfssamningur er á milli Garðyrkjufélagsins og Dalabyggðar um eflingu ræktunarmenningar og útbreiðslu þekkingar í gegnum skólastarf svo og stuðning við ræktun í einkagörðum og í almenningsrými á vegum sveitarfélagsins.
  • Garðyrkjufélagið er aðili að birki kynbóta- og fræverkefninu Emblu í samstafi við Skógræktarfélag Íslands og Skógrækt ríkisins. Með kynbótastarfinu er markmiðið að skapa úrvalsyrki sem henta við ýmsar aðstæður bæði í þéttbýli og í skógrækt.
  • Garðyrkjufélag Íslands er í góðu samstarfi við önnur áhugamannafélög og stofnanir um einstök verkefni svo sem ráðstefnuhald og öflun erlendra fyrirlesara.
  • GÍ vinnur að ýmsum verkefnum á sviði umhverfismála með sveitarfélögum, Sambandi umhverfis- og garðyrkjustjóra, Landgræðsla ríkisins og Grasagarði Reykjavíkur.
  • Með sérstökum stuðningi Umhverfis- og auðlindaráðuneytið vinnur GÍ að þróun garðyrkjumenningar víða um land.
  • Umhverfisráðuneyti

 

Fræbanki

Árlega er gefinn út frælisti / pöntunarlisti með allt að 1.000 tegundum og yrkjum.  Fjölmargir félagar Garðyrkjufélagsins safna fræjum í eigin garði, hreinsa og senda félaginu sem annast dreifingu á fræjunum til félagsmanna.

 

Klúbbar

Innan GÍ eru starfræktir klúbbar þar sem félagsmönnum gefst tækifæri að sinna að sérstökum áhugamálum á sviði garðyrkju.

  • Rósaklúbbur hefur það að markmiði að efla  þekkingu á rósum og ræktun þeirra. Klúbburinn tekur virkan þátt í norrænu og öðru alþjóðlegu starfi með systurklúbbum.
  • Ávaxtaklúbbur. Markmið klúbbsins er að efla ræktun og þekkingu á ávaxtatrjám og berjarunnum. Klúbburinn leggur áherslu á prófun og ræktun nýrra berja- og ávaxtategunda við íslenskar aðstæður.  
  • Matjurtaklúbbur.Markmið hans er að stuðla að aukinni þekkingu í ræktun og notkun fjölbreyttra krydd- og matjurta
  • Sumarhúsaklúbburhefur það að markmiði að efla þekkingu og auka fjölbreytta ræktun, umhirðu og fegrun sumarhúsalanda.
  • Klúbbur lyngrósa- og sígrænna plantna. Markmið klúbbsins er að efla ræktun og auka þekkingu á sígrænum plöntum  trjám og   runnum og fjölæringum. 
  • Blómaskreytingaklúbbur hefur það að markmiði að auka þekkingu og áhuga á blómaskreytingum.

 

Rósaklúbburinn og Ávaxtaklúbburinn  hafa annast  innflutning til félagsmanna á sérvöldum runna- og trjátegundum.  Félagsmenn eru því oft frumkvöðlar í ræktun nýrra tegunda.

 

Deildir

Félagið starfar í svæðisbundnum deildum. Deildinar annast og hafa frumkvæði að verkefnum GÍ í heimabyggð.

  • Akranesdeild
  • Árnesingadeild
  • Borgarfjarðardeild
  • Dalabyggðadeild
  • Eyjafjarðardeild
  • Fljótsdalshéraðsdeild
  • Hornafjarðardeild
  • Húnaþingsdeild
  • Skagafjarðardeild
  • Snæfellsnesdeild
  • Suðurnesjadeild
  • Tröllaskagadeild norður
  • Vestfjarðardeild norður
  • Vestmannaeyjadeild
  • Þingeyingadeild

 

Stjórn Garðyrkjufélagsins:

  • Ómar Valdimarsson, formaður
  • Guðríður Helgadóttir, varaformaður
  • Sveinn Þorgrímsson, meðstjórnandi
  • Eggert Aðalsteinsson, ritari
  • Brynhildur Bergþórsdóttir, gjaldkeri

 

Varastjórn:

  • Bryndís Björk Reynisdóttir
  • Konráð Lúðvíksson
  • Kristján Friðbertsson

  

Ritnefnd Garðyrkjuritsins:

  • Björk Þorleifsdóttir, ritstjóri
  • Guðríður Helgadóttir
  • Ómar Valdimarsson
  • Hafsteinn Hafliðason 
  • Vilhjálmur Lúðvíksson
  • Erna Rós Aðalsteinsdóttir

Frænefnd

  • Guðrún Þuríður Hallgrímsdóttir, formaður
  • Eiríkur Jónsson
  • Ragnar Jónasson
  • Ásdís Kristmundsdóttir
  • Guðbjörg Hrafnsdóttir (skipuð af stjórn GÍ)

Skoðunarmenn reikninga

  • Magdalena Lára Gestsdóttir
  • Hilmar Ingólfsson

Varaskoðunarmenn reikninga

  • Ragnar Jónasson
  • Freyja Hilmisdóttir

Vefumsjón:

  • Kristján Friðbertsson
  • Þorvar Hafsteinsson


Starfsemi félagsins byggir fyrst og fremst á sjálfboðaliðastarfi.

Félagar í Garðyrkjufélaginu eru um 2200

 

Skrifstofa

Skrifstofa félagsins er að Síðumúla 1  í Reykjavík og er opin þriðjudaga og fimmtudaga frá kl: 10:00 – 14:00.

Ingibjörg Ásta Gunnarsdóttir

Kristinn H. Þorsteinsson er starfandi fræðslu- og verkefnastjóri félagsins.