Category: aðalfrétt

Þriðjudaginn 30. júní (mögulega miðvikudaginn 1. júlí) kl. 16-18:30 býður Anna Pálsdóttir félögum í Garðyrkjufélagi Íslands að leggja land undir fót og skoða ræktun Snæbjarnar Jónassonar í Kjósinni.

Snæbjörn ræktaði þar mikið af lyngrósum sem eru nú í fullum blóma og stórglæsilegar, auk fjölda annarra skemmtilegra tegunda trjáa og runna. Ræktunarsvæði Snæbjarnar er staðsett við Fremri-Fossá, svæðið er fyrir neðan veg rétt fyrir innan Kiðafell í Kjós og hliðið verður opið.

Best er að skilja bílana eftir uppi við hliðið (nema fólk eigi erfitt um gang) og ganga niður að svæðinu. Það er stuttur spölur, aflíðandi brekka niður að ánni, 5-10 mínútna gangur frá hliðinu (fer eftir gönguhraða). Á leiðinni er mögulega hægt að skoða nokkrar tegundir plantna.

Anna verður á staðnum og það er opið hús (opinn garður) milli kl. 16-18:30. Það skýrist nánar fyrir helgina hvor dagurinn verður fyrir valinu, veðurspáin þarf að vera hagstæð. Fylgist með þegar nær dregur á Facebook síðu félagsins, (https://www.facebook.com/gardurinn/) þar verður dagsetningin uppfærð þegar verðurspáin verður ljósari.

Hver og einn þarf sjálfur að sjá um að koma sér á staðinn og að sjálfsögðu hvetjum við fólk til að sameinast í bíla.

Kær kveðja, stjórn GÍ

Hin árlega sumarferð Garðyrkjufélags Íslands verður farin mánudaginn 13. júlí næstkomandi.
Lagt verður af stað kl. 8:30 frá Árbæjarsafni (í rútu) og ekið sem leið liggur austur á bóginn, á Suðurland.
Dagskráin er enn í vinnslu en ramminn kemur fram hér fyrir neðan og fararstjóri verður Guðríður Helgadóttir.
Hver og einn greiðir kr. 11.000 fyrir ferðina (rúta, hádegisverður og hressing innifalin).
Síðustu ár hefur verið uppselt í ferðina og gildir hér hið fornkveðna, fyrstur kemur, fyrstur fær.
Athugið: Aðeins er tekið við skráningum á heimasíðunni og greiðslum í vefversluninni, ekki í tölvupósti.

Mæting á bílastæðið við Árbæjarsafn

8:30   Lagt af stað austur á bóginn
9:00   Bugar í Ölfusi – Aðalsteinn Sigurgeirsson
11:00 Reykjabraut 19, Þorlákshöfn – Ágústa Ragnarsdóttir
12:30 Hádegisverður í Rauða Húsinu á Eyrarbakka (matarmikil kjúklingasúpa, grænt salat og frönsk súkkulaðikaka í eftirrétt)
13:30-15:30 þessi hluti dagskrár er enn í vinnslu..
15:30 Garður Ingibjargar Sigmundsdóttur í Hveragerði
16:30 Garðyrkjustöðin Flóra í Hveragerði

Áætluð heimkoma um kl. 18.

Hörður og Massimo munu taka á móti félögum Garðyrkjufélagsins að Njálsgötu 35 næstkomandi þriðjudag (23.júní) milli kl. 17 og 18.

Garðurinn hefur verið ræktaður af mikilli alúð frá árinu 2005. Þar má finna fjölbreytt safn plantna, þar sem hver um sig á sína sögu.

Verið velkomin!

Fimmtudaginn 16. apríl kl. 19:30 í sal Garðyrkjufélags Íslands, Síðumúla 1 (gengið inn frá Ármúla).

Dagný Guðmundsdóttir á Skyggnissteini segir frá hvernig hún uppsker og nýtir allt árið bæði það sem hún ræktar og það sem vex villt.
Þau hjónin rækta eftir hugmyndum vistræktar.
Vistrækt(permaculture) er heildrænt ræktunar- og hönnunarkerfi sem líkir eftir náttúrunni með sjálfbærni að markmiði. Í því felst m.a. matvælaframleiðsla sem vinnur með náttúrulegu umhverfi. 

Viðburðinum verður streymt og er slóðin: https://us06web.zoom.us/j/89455189044?pwd=4L1Bwy2fbUzaqZeombRgpBZfVNZWjZ.1

Aðalfundur Garðyrkjufélags Íslands verður haldinn miðvikudaginn 8. apríl nk. kl. 19:30 í sal félagsins að Síðumúla 1.

Venjuleg aðalfundarstörf samkvæmt lögum félagsins.

Stjórnarliðar sem gefa kost á sér áfram í stjórn til næstu tveggja ára.
· Guðríður Helgadóttir, formaður
· Vilhjálmur Í. Sigurjónsson
· Sigurbjörn Einarsson
· Hulda Guðmundsdóttir

Ekki hafa borist aðrar tilnefningar til stjórnarsetu.

Stjórnarliðar sem voru kosnir til tveggja ára á síðasta aðalfundi og sitja áfram í stjórn.
· Hjördís Rögn Baldursdóttir varaformaður
· Björn Ingi Stefánsson
· Íris Stefánsdóttir

Að loknum aðalfundarstörfum verður erindi:
Kristinn Þorsteinsson framkvæmdastjóri Skógræktarfélags Kópavogs og fv. formaður Garðyrkjufélags Íslands fjallar um eldsvoðann við Guðmundarlund á sl. ári.

Streymt verður frá fundinum en allir sem eiga þess kost eru hvattir til að mæta.

Stjórn GÍ

Matjurtaklúbbur GÍ, Hvannir, stendur fyrir fræðsluviðburði:
Hvað er og hvernig stöndum við að vetrarsáningu matjurta?

Fimmtudaginn 12. febrúar kl. 19:30 í sal Garðyrkjufélagsins Síðumúla 1 (gengið inn frá Ármúla).
Fyrir þá sem misstu af þessum skemmtilega viðburði í fyrra eða þá sem prufuðu og eru með spurningar eða reynslusögur.

Fanney Margrét Jósepsdóttir, formaður Garðyrkjufélags Suðurnesja sýnir hvernig best er að standa að vetrasáningu matjurta.
Farið verður yfir helstu kosti vetrarsáningar en einnig fyrir hverju og hvenær á að sá.
Þá ætlar hún að sýna einfaldar aðferðir sem allir geta prufað og framkvæmt heima.

Viðburðinum verður streymt um Zoom ef kostur er og er slóðin
https://us06web.zoom.us/j/84027319863?pwd=AJMQ9UC6wgiJjad8SE6fba6bJafUQb.1
Meeting ID: 840 2731 9863
Passcode: 511061

Öll hjartanlega velkomin og erindið er ókeypis.

Viðburðadagatal Garðyrkjufélagsins hefur nú verið birt fyrir fyrri hluta ársins og má sjá það á heimasíðunni efst í hægri dálkinum. Smellið á dagatalið til að stækka myndina.

Viðburðir verða að sjálfsögðu kynntir hér á síðunni og á Facebook síðu félagsins þegar að þeim kemur auk þess sem minnt er á þá með tölvupósti með hæfilegum fyrirvara. Mikilvægt er að félagar hafi rétt tölvupóstfang skráð í félagatalinu til þess að missa ekki af áminningum og tilkynningum.

Garðyrkjufélag Íslands óskar félagsmönnum sínum, sem og landsmönnum öllum gleðilegra jóla og blómstrandi grósku á nýja árinu. Um leið þakkar félagið kærlega fyrir frábært samstarf á liðnu afmælisári.

Stjórn GÍ

Þriðjudaginn 25. nóvember kl. 17-19 í garðskála Grasagarðsins í Laugardal

Í aðdraganda aðventunnar halda garðyrkjufræðingar Grasagarðsins og meðlimir í Garðyrkjufélagi Íslands námskeið í garðskála Grasagarðsins um jólaskreytingar úr náttúrulegum efniviði.

Fáið góð ráð varðandi útfærslur á jólaskreytingum og leiðisskreytingum auk þess sem handtökin við kransagerð úr birki verða kennd.
Þátttakendur koma sjálfir með það efni sem þeir hyggjast nota, svo sem hringi, bönd, vír, sígrænt efni og annað skraut auk greina- og vírklippa en einnig verður lítil efnisveita á staðnum með öðru náttúrulegu efni, s.s. birki.
Viðburðurinn er ókeypis og öllum opinn.

Með kærum kveðjum;
Garðyrkjufélagið og Grasagarðurinn

Krókusar, vetrargosar, túlípanar og páskaliljur – gleðigjafar garðsins að vori! 

Komdu í leiðsögn með garðyrkjufræðingum Grasagarðsins þar sem fjölbreytt úrval haustlauka er skoðað. 

Fjallað verður um:
• Hvernig og hvenær á að gróðursetja haustlaukana
• Hversu djúpt þeir eiga að fara í jarðveginn
• Hvernig á að velja lauka sem henta vel saman í beð
• Ráðleggingar um litaval, blómgunartíma og samsetningu fyrir fallegt vor

Leiðsögnin hentar bæði byrjendum og þeim sem hafa reynslu af garðyrkju.
Við byrjum við aðalinngang Grasagarðs Reykjavíkur kl. 11, laugardaginn 4. október.

Þátttaka er ókeypis og öll velkomin!