Sjáumst í Garðyrkjuskólanum á Reykjum sumardaginn fyrsta!
Garðyrkjufélagið verður þar með fjölbreytt úrval bóka til sölu með góðum afslætti.
Author: Vilhjálmur Sigurjónsson
Kartöfluútsæði — allt er uppselt
Heil og sæl kæru félagar, nú er komið að því að panta kartöfluútsæði.
Útsæðið kemur að norðan og opnað verður fyrir pantanir í vefverslun félagsins https://gardurinn.is/vefverslun/ kl. 20 í kvöld.
Opið verður fyrir pantanir í eina viku, dagana 16. – 23. apríl.
Athugið að sumar tegundir eru í takmörkuðu magni og gildir reglan fyrstur kemur fyrstur fær. Útsæðinu er pakkað í 500 gr. poka og hver og einn getur pantað einn poka af hverri tegund. Sama verð er á öllum tegundum, 600 kr.
Tegundir og verð sem eru í boði þetta árið eru eftirfarandi:
• Ben Lomond Ljósar, egglaga og góðar bökunarkartöflur.
• Blálandsdrottningin Hnöttóttar með djúp augu og ljóst mjölmikið kjöt.
• Kóngabláar Bláar og fallegar.
• Rauðar norskar Rauðar og bragðbóðar.
• Rússneskar frá Síberíu Hvítar og fallegar, hafa lengi verið ræktaðar í Eyjafirði.
Allar pantanir verður að sækja á skrifstofu félagsins, Síðumúla 1. Félagar fjarri höfuðborgarsvæðinu eru hvattir til að nýta sér ferðir vina og ættingja ef hægt er og því miður er ekki í boði að póstsenda útsæðið.
Sendur verður póstur á félagsmenn hvaða daga verður hægt að sækja pantanir og einnig verður tilkynning á heimasíðunni, gardurinn.is.
Félagar sem hafa áhuga á að aðstoða við pökkun á útsæðinu eru hvattir til að senda póst á gardurinn@gardurinn.is, allar auka hendur vel þegnar.
Pökkun og afgreiðsla er líkleg til að fara fram síðustu helgina í apríl.
Aðalfundur 2024 og vefslóð
Kæru félagar í Garðyrkjufélagi Íslands!
Stjórn GÍ boðar til aðalfundar félagsins fimmtudaginn 18. apríl kl. 19:30 í sal félagsins að Síðumúla 1.
Dagskrá aðalfundar:
1. Fundarsetning
2. Kosning fundarstjóra og ritara
3. Skýrsla stjórnar GÍ
4. Reikningar lagðir fram og skýrðir
5. Umræður um skýrslu stjórnar og reikninga
6. Reikningar bornir upp til samþykktar
7. Ákvörðun félagsgjalds
8. Tillögur um lagabreytingar, umræður og atkvæðagreiðsla
9. Kosning stjórnar, skoðunarmanna reikninga og starfsnefnda
10. Tillögur til ályktunar aðalfundar, umræður og atkvæðagreiðsla
11. Önnur mál
Að loknum aðalfundi verður erindi um lífræna ræktun í heimilisgarði.
Formaður og varaformaður GÍ deila reynslu og sýna myndir úr görðum sínum.
Kaffiveitingar að erindi loknu.
Fundinum verður streymt og slóðin er:
https://us06web.zoom.us/j/83340632521?pwd=RjDKioO59WAS4xm7JyiaAowVxvAUgh.1
Meeting ID: 833 4063 2521
Passcode: 788469
Aðalfundur 2024
Kæru félagar
Aðalfundur Garðyrkjufélags Íslands 2024 verður haldinn fimmtudaginn 18. apríl í húsi félagsins að Síðumúla 1 í Reykjavík. Fundurinn hefst kl. 19:30.
Dagskrá: Venjuleg aðalfundarstörf.
Félagsmenn sem hafa áhuga á að bjóða sig fram í stjórn GÍ skulu senda formanni félagsins upplýsingar um framboð sitt að minnsta kosti 16 dögum fyrir aðalfund á netfangið formadur@gardurinn.is.
Félagsmenn eru hvattir til að gefa kost á sér til beinnar þátttöku í starfsemi félagsins.
Nánar auglýst síðar.
Bestu kveðjur
Stjórn GÍ
Fræsáning og lýsing
Það er bersýnilega vorhugur í landanum🌼 Hundrað manns í salnum 6. mars þegar María úr Innigörðum fór yfir handtökin við sáningar heimavið.
Fyrir fróðleiksþyrsta bendum við á heimasíðu Innigarða; <smellið hér>þar sem mikinn fróðleik er að finna og margt af því sem fram kom á viðburðinum er þar birt.
Bestu þakkir fyrir þáttökuna!
Fræsáning og lýsing
María Norðdahl, eigandi Innigarða verður með kynningu á fræsáningu og lýsingu fyrir ræktun miðvikudaginn 6.mars í sal Garðyrkjufélags Íslands kl.20.
Viðburðinum verður ekki streymt að þessu sinni því María hyggst sýna okkur handbrögð, tæki og tól sem auðveldar forræktun heimavið.
Kaffi, kex og garðyrkjuspjall í lokin.
Vistrækt – borgarbúskapur
21.febrúar í sal GÍ kl.20:00
Dr. Ólafur R. Dýrmundsson heldur kynningu um vistrækt og borgarbúskap.
Vistrækt – borgarbúskapur
Vistrækt (Permaculture = permanent agriculture) er skipulegt kerfi sjálfbærrar ræktunar við margskonar skilyrði, allt frá húsagörðum í þéttbýli til bújarða í sveitum. Oft felur það í sér lífræna ræktun og búfé kemur gjarnan við sögu. Borgarbúskapur (urban agriculture/city farming) er gjarnan nátengdur vistrækt í kaupstöðum og kauptúnum og tengist nú í vaxandi mæli viðleitni þéttbýlisbúa til að efla staðbundið fæðuöryggi.
Upplýsingablað um viðfangsefnið: <Sækja>
Vefslóð á fjaraðgang er: https://us06web.zoom.us/j/84568480506?pwd=UocgSQ18yVSszoDJKxx1mZZAPlpaYd.1
Meeting ID: 845 6848 0506
Passcode: 483391
Félagsfundur í boði Hvanna
Ágætu félagar,
miðvikudaginn 31. janúar nk. kl. 19:30 verður haldinn félagsfundur í Garðyrkjufélagi Íslands að tilhlutan Hvanna, matjurtaklúbbs GÍ.
Efni fundarins er að blása til sóknar og freista þess að efla áhuga félagsmanna á hverskyns ræktun matjurta og öllu sem því tengist.
Regluleg starfsemi Hvanna innifelur meðal annars:
Umsjón grenndargarða á tveimur stöðum í Reykjavík
Öflun og miðlun vandaðs kartöfluútsæðis að vori
Öflun og miðlun vænlegra matlauka að hausti
Nú verður vilji félagsmanna kannaður til frekari starfsemi klúbbsins, og jafnframt hvaða fræðslu og leiðbeiningum fólk sækist eftir. Fundurinn er öllum opinn.
Kaffiveitingar.
Fundinum verður streymt, vefslóðin er:
https://us06web.zoom.us/j/9330799997?pwd=UmtscW9XWGk3a3BPNlJ3MkJPSmRydz09&omn=84510222989
(Meeting ID: 933 079 9997 Passcode: 551878.)
Kæru frægefendur
Við þökkum kærlega þeim félögum í GÍ sem þegar hafa sent okkur fræ til útdeildingar. Ykkar framlag skiptir öllu máli, án ykkar er enginn fræbanki.
Við viljum líka nýta tækifærið til að minna þá sem þegar hafa safnað fræi til að koma því til Garðyrkjufélagsins sem fyrst.
Þið sem ætlið að senda okkur fræ eruð beðin um að skrá nafn plöntunnar eins nákvæmt og þið getið, t.d. lit eða afbrigði. Í frælista GÍ er búið að gefa plöntunum númer og það væri alveg toppurinn ef þið skráið þetta númer ef fræið ykkar er á skrá á listanum hjá okkur.
Nýr frælisti verður svo birtur á heimasíðunni í janúar-febrúar.
Frænefndin.
