Muscari azureum – Týslilja

Fjölær laukplanta af liljuætt, blómstrar bláleitum klasa efst á blómstöngli snemma vors. Grænvöxtur oft bara nokkra sentimetra ofar jarðvegi, en blómstöngull teygir sig 10-15cm upp. Blómklasi inniheldur oft nokkur ófrjó blóm, sem eru þá ljósari að lit og heldur smærri. Þrífst vel í frjóum, léttum jarðvegi og fjölgar sér með sáningu sem og hliðarlaukum. Kýs sól eða hálfskugga.