Aquilegia formosa – Glóðarvatnsberi

Fjölær. Hæð allt að 95 cm. Blómgun lok maí og út júní. Blóm tvílit rauð og gul frekar smá, stuttir sporar. Þrífs best í sól eða hálfskugga í léttum vel framræstum jarðvegi. Hérlendis aðallega ræktaður í grasagörðum. Fræi sáð við15-20° C og hulið lauslega. Spírun fræs getur tekið nokkra mánuði. Vatnsberar eru almennt harðgerðir og blómviljugir en blómstra ekki á fyrsta ári. Vatnsberar geta sáð sér talsvert og sé þess ekki óskað er ráðlegt að klippa blómstöngla af að blómgun lokinni. Vatnsberi/Sporasóley frjóvgast með opinni frjóvgun og getur því víxlfrjóvgast við aðrar vatnsberategundir.