Tsuga mertensiana – Fjallaþöll

Fjallaþöll vill helst vaxa upp í skugga og skjóli, t.d. umkringd öðrum, stærri trjám. Vex mjög hægt, en getur orðið ansi stórt tré. Fjallaþöll og Marþöll virðast sleppa við flest það sem hrjáð getur barrtré hér á landi og eru auk þess langlíf tré og mjög þolin gagnvart frosti, ásamt því að þola skugga mjög vel. Oft er talað um að fjallaþöllin henti betur inn til landsins, en marþöllin í hafræna loftslaginu. Það rímar þá ágætlega við nöfnin.

Þallarfræi skal sá mjög grunnt, nærri yfirborðinu.
Skynsamlegt er að gróðursetja plönturnar ekki fyrr en þær hafa fengið að vaxa í 5-6ár og styrkjast.