Aquilegia vulgaris ‘Nora Barlow’ – Skógarvatnsberi ‘Nora Barlow’

Fjölær. Um 50-60 cm há planta með upprétta stöngla og blágrænt lauf. Blómin eru sporalaus, fyllt og í bleikum litum. Þrífst best í léttum rakaheldum vel framræstum jarðvegi í sól eða hálfskugga. Fræi sáð við 20°C. Spírun tekur yfirleitt 2-6 vikur. Vatnsberar eru almennt harðgerðir og blómviljugir en blómstra ekki á fyrsta ári. Vatnsberar geta sáð sér talsvert og sé þess ekki óskað er ráðlegt að klippa blómstöngla af að blómgun lokinni. Vatnsberi/Sporasóley frjóvgast með opinni frjóvgun og getur því víxlfrjóvgast við aðrar vatnsberategundir.