Viburnum edule – Bersarunni

Lauffellandi runni úr skógum Norður-Ameríku. 2,5m hár og getur orðið jafn á breiddina, lauf þríflipuð líkt og á hlyni, blómin í klösum fölbleik, rauð ber að hausti, berin æt og af þeim leggur lykt sem fólk er ekki sammála um hvort þeim þyki góð eða vond. En úr þeim má gera afbragðs góðar sultur og hlaup. Góð viðbót við trjágróður skjólbelta og sumarbústaðalandsins. Þarf sama atlæti og aðstöðu og ilmreynir. Fyllilega harðger, lokkar að fugla og hefur fallega haustliti.