Dierama ‘Plant World Jewels’ – ekkert íslenskt heiti til

Kallaðar veiðistangir englanna á ensku. Þessar plöntur henta best í garðskála því þær eru viðkvæmar fyrir frosti og blómstra ekki á fyrsta ári. Sáð við 15-20stiga hita, bara rétt stráð 4-5mm af mold, vikur eða sandi yfir og algengt að taki 1-3mánuði að spíra. Vill vera í vel framræstri en rakri mold á sem sólríkustum stað. Verandi einkímblöðungar af írisaætt koma fyrst einungis blöð sem minna á grasstrá og eru sígræn. Halda þarf plöntunum frostfríum fyrsta árið og passa að þorni ekki upp. Á ári 2 eru þær oftast nógu sterkar til að geta verið úti yfir sumarið og líklegar til að blómstra. Fullvaxin er plantan á bilinu 60-90cm hávaxin og blómstrar bleikum, fjólubláum, rauðum og hvítum blómum.