Ribes spicatum ‘Hvid Hollandsk’ op – Hvítrifs ‘Hvid Hollandsk’ op

Hvítrifs af garðaberjaætt. Yrkið kom fram fyrir 1929, uppruni í Hollandi. Þetta er elsta hvíta yrkið sem er þekkt. Lauffellandi runni sem er meira en meðalstór, 1-1,5 m hár og 2-3 m breiður, kröftugur, uppréttur, dálítið útbreiddur, þéttvaxinn, hraustur, myndar mjög mikið af berjum. Berin eru gulhvít með milt, súrt bragð, sætara en hjá Rauð hollensk, ekki öll af sömu stærð. Reynist harðgert á Suðurlandi og gefur ágæta uppskeru í skjóli.