Laugardaginn 3.júní kl. 12-15 ætlum við hjá Garðyrkjufélagi Íslands að halda okkar árlega plöntuskiptadag við Bókasafn Kópavogs. Bókasafnið er opið, næg bílastæði og kaffihús í grenndinni. Flestar plöntur hafa gott af því að vera skipt reglulega, stingum saman nefjum og deilum okkar uppáhalds.
Bestu blómakveðjur frá GÍ
Viðburður í sal GÍ þriðjudaginn 16. maí kl. 20:00.
Bjarni Þór Hannesson grasagúrú og íþróttavallayfirborðstæknifræðingur mun fræða okkur í eitt skipti fyrir öll, hvernig við eigum að snúa okkur í því að ná grasflötinni fallegri og heilbrigðri. Þetta er spurning sem skýtur alltaf upp kollinum á hverju vori. Hvernig losnar maður við mosann? Á ég að kalka? Hver er besti áburðurinn?
Kaffi og kruðerí í boði, garðyrkjuspjall og bókasafnið opið.
Viðburðinum verður streymt fyrir þá sem ekki eiga heimangengt
Vefslóð:
https://us06web.zoom.us/j/85990282550?pwd=K3Q5N0ROTTVjL3A0alNBWHdVaERSUT09
Meeting ID: 859 9028 2550
Passcode: 606283
Við fáum útsæðið með vöruflutningafyrirtækinu föstudaginn 28. apríl, stefnt er á pökkun og merkingar á laugardeginum og svo verður afhendingardagur 1. maí í sal GÍ að Síðumúla 1. Þar verður opið frá 10:00 til 14:00 og er mælst til þess að fólk sæki útsæðið á þeim tíma, eða sendi einhvern fyrir sig.
Það virðist sem örfáir aukaskammtar berist af yrkjunum Helgu og Kónga bláum. Þeir sem misstu af frestinum eða langar í nokkrar aukakartöflur geta komið við í Síðumúlanum á mánudag. Verðið á aukaskömmtunum er sem fyrr: Helga á 500 og Kónga bláar á 600.
Þakkir kæru félagar fyrir aðalfund félagsins í gærkvöldi. Það var létt yfir þeim er mættu og salurinn nánast fullur.
Til lukku og velkomin nýkjörnu félagar í stjórn, frænefnd og önnur störf.
Við þökkum Dillý og Pálma fyrir dásamlegan fyrirlestur og fallega sögu um blómaengið við heimili þeirra. Spennan magnaðist er tölvukerfið í Garðyrkjufélaginu sveik okkur og biðjumst við velvirðingar á þeim töfum sem urðu. Salurinn andvarpaði er myndirnar birtust loks af dásamlega blómaskreyttu engi í öllum regnbogans litum. Þau hjón eiga heiður skilinn að takast að framkalla þessa dýrð og deila þessu með okkur. 🌼🌺🌸
Félagar í Garðyrkjufélaginu fengu tölvupóst s.l. sunnudag (16. apríl) með boði um að panta kartöfluútsæði. Fimm tegundir voru í boði en ekki mikið magn af öllum. Ekki stendur á viðbrögðum og er nú svo komið að einungis tvær tegundir eru enn eftir: Kónga-bláar og Helga. Látið ekki hjá líða að ná ykkur í úrvals kartöfluútsæði af því sem eftir er. Vakin er athygli á þvi að hægt er að panta fræ í leiðinni til að nýta ferðina 😉
<Vefverslun GÍ>
Uppfærsla 25. apríl 2023: Kartöfluútsæði er nú uppselt. Búast má við að það verði afgreitt strax eftir mánaðarmót en það verður tilkynnt til þeirra sem pöntuðu.
Kæru félagar í Garðyrkjufélagi Íslands.
Aðalfundur GÍ verður haldinn þriðjudaginn 18. apríl kl. 19:30 í sal félagsins í Síðumúla 1 (gengið inn frá Ármúla).
Að loknum aðalfundi flytja Sigurlaug Halldórsdóttir (Dillý) og Pálmi Gestsson erindi um blómaengi.
Sjá meðfylgjandi aðalfundarboð með upplýsingum um dagskrá aðalfundar, framboð til stjórnar og tillögur stjórnar GÍ að lagabreytingum. <Aðalfundarboð>
Athugið, fundinum verður streymt fyrir félaga sem ekki komast á staðinn en vilja fylgjast með.
Áætlað er að erindið um blómaengið hefjist kl. 20:45 en ef aðalfundur dregst á langinn gæti því seinkað.
Þótt fundurinn gangi greiðlega verður erindinu þó ekki flýtt. Þeir sem einungis vilja fylgjast með blómaenginu geta tengst laust fyrir kl. 20:45. Slóðin er:
“Join Zoom Meeting”
https://us06web.zoom.us/j/89486665655?pwd=MzNJZnF3aVVVTVlJbkhZckpHVENLZz09
Meeting ID: 894 8666 5655
Passcode: 143571
Kærar kveðjur,
Stjórn GÍ
Kærar þakkir Björk Brynjarsdóttir fyrir frábæran og fræðandi fyrirlestur um Bokashi í gær. Skemmtilegar umræður mynduðust í þeim góða hópi sem mætti á staðinn. Einnig var spurningum frá þeim er heima sátu svarað jafnóðum og þær bárust.
Ljóst er að þetta er viðfangsefni sem við þurfum að skoða betur því á þessu ári munu nýjar reglur um urðun matvæla hafa áhrif á hverju heimili. Skoðið heimasíðu Melta (áður Bokashifélagið) á Fésbók. Þar getið þið skipst á skoðunum og lært af hvort öðru. Mestu máli skiptir að byrja, prófa sig svo áfram og gera þetta saman.
Fimmtudaginn 23. mars kl. 20 í sal Garðyrkjufélagsins, Síðumúla 1 (gengið inn frá Ármúla).
Björk Brynjarsdóttir frá MELTA (áður Bokashifélagið) mun leiða okkur í gegnum það hvernig við vinnum úr því gulli sem lífrænn afskurður úr eldhúsinu og afklippur úr garðinum er.
Brýn þörf er á fræðslu varðandi þetta efni því nú fara reglugerðir að herðast er varða urðun á lífrænum úrgangi frá heimilum.
Því ekki að nýta þetta beint í eigin ræktun? Hvort sem það er að grafa í jörðu eða nýta sem mold.
Streymt verður frá viðburðinum, slóðin sem verður virk laust fyrir kl. 20:00 er:
https://us06web.zoom.us/j/81918651806?pwd=QXNGU3UzM3NhZTBEVDlBSU5UQ2hHdz09
Meeting ID: 819 1865 1806
Passcode: 671813
Kæru félagar
Aðalfundur Garðyrkjufélags Íslands 2023 verður haldinn þriðjudaginn 18. apríl í húsi félagsins að Síðumúla 1 í Reykjavík. Fundurinn hefst kl. 19:30.
Dagskrá: Venjuleg aðalfundarstörf og áhugavert fræðsluerindi um blómaengi.
Félagsmenn sem hafa áhuga á að bjóða sig fram í stjórn félagsins skulu senda formanni félagsins upplýsingar um framboð sitt að minnsta kosti 16 dögum fyrir aðalfund á netfangið formadur@gardurinn.is.
Félagsmenn eru hvattir til að gefa kost á sér til beinnar þátttöku í starfsemi félagsins.
Nánar auglýst síðar.
Bestu kveðjur
Stjórn GÍ
Fræbankanum barst nýlega fræ frá Rósaklúbbi Garðyrkjufélgasins. Fræið er innflutt frá Kanada. Auk þess barst bankanum svolítið af grænmetisfræi. Þar á meðal eru tvær tegundir af baunum, rauðrófur, smátómatar og skrautgrasker. Til að auðvelda leit að rósafræi má slái inn í leitargluggann orðið nýpa. Fræbankinn þakkar Rósaklúbbnum og gefendum fyrir þeirra framlag. Mikil eftirspurn hefur verið eftir fræi það sem af er ári og hefur afgreiðslan gengið hratt og vel. Frænefndin vill ítreka að mismikið magn er í boði af hverri tegund og að hver og ein pöntun má ekki innihalda fleiri en 40 tegundir.
Jafnframt hefur komið í ljós að vegan tæknilegs galla í tölvukerfi fræbankans var ekki hægt að panta nokkrar tegundir af lista fræbankans. Frænefnd biðst velvirðingar á þessu. Birtast þessi númer með nýju frænúmerúnum sem bætast við.
Númer fræjanna sem um ræðir eru birt hér að neðan:
1024 – 1032 – 0885 – 0775 – 0730 – 0576 – 0374 – 0216
1025 – 1033 – 0884 – 0774 – 0721 – 0570 – 0346 – 0200
1026 – 1034 – 0874 – 0770 – 0717 – 0531 – 0337 – 0169
1027 – 1035 – 0872 – 0776 – 0712 – 0500 – 0323 – 0113
1028 – 1036 – 0857 – 0767 – 0710 – 0471 – 0294 – 0110
1029 – 1037 – 0835 – 0764 – 0685 – 0466 – 0292 – 0107
1030 – 0810 – 0755 – 0659 – 0424 – 0288 – 0045
1031 – 0784 – 0750 – 0614 – 0420 – 0267 – 0032
0779 – 0749 – 0602 – 0410 – 0221 – 0021
0776 – 0731 – 0601 – 0405 – 0013
