Nicandra physaloides – Eplabikar

Meðalharðgert sumarblóm af náttskuggaætt, sem blómstrar fallegum daufbláum blómklukkum og oft ræktað til skrauts. Fræhylkin sem myndast eftir frjóvgun eru einnig nokkuð skrautleg. Kýs nokkuð sólríkan stað í vel framræstri, rakri, frjórri mold. Getur blómstrað fram á haust, en hvert blóm er skammlíft. Plantan er ýmist sögð æt eða eitruð og til eru rannsóknir sem sýna ýmist eitrun og ekki eitrun. Í öllu falli skynsamlegt að umgangast fegurðina af varúð og skynsemi, líkt og flest af náttskuggaætt. Hæð:100-150cm