Viltu vera frægjafi Garðyrkjufélagsins

Frænefndin kallar eftir fræjum í Fræbanka félagsins

Fræbanki Garðyrkjufélagsins gefur út frælista á hverju ári og í góðu árferði má finna á frælistanum fræ af hundruð tegundum og yrkjum plantna.
Fræbankanum berst mikið magn fræja frá félagsmönnum GÍ og öðrum velunnurum sem er helsta uppistaða fræbankans.
Allir geta orðið fræsafnarar og frægefendur en hafa þarf í huga að fræsafnarar þurfa vita deili á þeirri tegund sem safnað er.
Nauðsynlegt er að fræin séu hreinsuð og þurr og hverri tegund sé haldið út af fyrir sig. Gæta skal þess hver tegund fyrir sig sé vel merkt og að nafn gefanda og símanúmer komi ætíð fram.
Fræjunum má síðan skila á skrifstofu Garðyrkjufélagsins í Síðumúla 1, 108 Reykjavík í t.d. bréfpoka eða umslagi. Á austurhlið húsins er bréfalúga sem setja má fræin inn um ef skrifstofan er lokuð. Einnig er hægt að póstleggja fræin.
Frænefndin vinnur úr fræsendingum, flokkar og pakkar og með hækkandi sól ár hvert er gefin út frælisti þar sem aðeins félagsmenn pantað sér fræ af hinum ýmsum tegundum.
Að venju eru allar frægjafir til félagsins mjög vel þegnar en frælisti félagsins hefur notið mikilla vinsælda félagsmanna undanfarin ár.  Félagið þarf því töluvert af fræjum til að anna eftirspurn.

Frænefndin hvetur félagsmenn GÍ og aðra velunnara að safna fræjum og leggja afraksturinn inn í fræbankannn.

Frælisti GÍ 2019 er aðgengilegur á heimasíðu félagsins https://gardurinn.is/fraelisti-2019/