Salix herbacea – Grasvíðir

Jarðlægur, skriðull, dvergrunni sem gengur einnig undir nafninu smjörlauf og fer sjaldan yfir 20cm hæð í villtri náttúru. Finnst m.a. víða í mólendi eða snjódældum til fjalla og er algengur um allt land. Minnstur þeirra víðitegunda sem hér finnast og raunar ein lágvaxnasta trjákennda plöntutegund í heimi. Minnir suma á litlar plöntur af fjalldrapa. Vöxtur hans litast þó mikið eftir þeim aðstæðum sem hann vex við og eins getur hann auðveldlega blandast öðrum víðitegundum og því alls ekki einsleitur, hvar sem hann finnst. Blöðin glansandi og nokkuð kringlótt, karlblóm gul, kvenblóm rauð, aldin rauð.