Hollráð í Matjurtagarðinum

Gestum býðst að fræðast um sáningu, útplöntun og umhirðu krydd- og matjurta auk þess  sem farið verður yfir ráðleggingar varðandi smádýrin í matjurtagarðinum og hvernig sé hægt að nýta það sem til fellur í jarðvegsgerð. Garðyrkjufræðingar Grasagarðsins sjá um fræðsluna og meðlimir úr Hvönnum, matjurtaklúbbi Garðyrkjufélags Íslands verða á staðnum auk Mervi Luoma sem kynnir hvernig hægt er að nýta ágengar plöntur í matargerð.

Samstarfsviðburður Grasagarðs Reykjavíkur, Garðyrkjufélags Íslands og Matjurtaklúbbs GÍ (Hvannir). Fer fram í safndeild nytjajurta í Grasagarðinum í Laugardal. Allir velkomnir.