Hleð Viðburðir

« Allt Viðburðir

Hollráð í matjurtagarðinum í Grasagarði Reykjavíkur 4. júní

4. júní, 2019 frá 17:30 til 19:00

Hollráð í matjurtagarðinum í Grasagarði Reykjavíkur þriðjudaginn 4. júní á milli kl. 17:30 og 19:00

Þriðjudaginn 4. júní býðst gestum Grasagarðs Reykjavíkur að fræðast um sáningu, útplöntun og umhirðu krydd- og matjurta auk þess sem farið verður yfir ráðleggingar varðandi smádýrin í matjurtagarðinum. Þá verður hægt að fræðast um jarðvegsgerð: safnhaugagerð, moltugerð í eldhúsinu með ánamöðkum og sýringu matarleifa með Bokashi-tunnu þannig að sem minnst fari til spillis.
Garðyrkjufræðingar Grasagarðsins sjá um fræðsluna og meðlimir úr Hvönnum, matjurtaklúbbi Garðyrkjufélags Íslands verða á staðnum. Fræðslan fer fram í nytjajurtagarði Grasagarðsins við Laugatungu sem er rétt austan við aðalinngang Grasagarðins og er hægt að koma við hvenær sem er á milli kl. 17:30 og 19:00.
Þátttaka er ókeypis og allir velkomnir!