Aquilegia coerulea ‚Michael Stromminger‛ – Indíánavatnsberi ‚Michael Stromminger‛

Fjölær. Hæð 60-90 cm. Blómgun júní-júlí. Blómlitur blár. Þrífst í sól eða hálfskugga í venjulegri garðamold sem er vel framræst en rakaheldin. Fræi sáð við lágt hitastig. Spírun getur tekið nokkra mánuði. Vatnsberar eru almennt harðgerðir og blómviljugir en blómstra ekki á fyrsta ári. Vatnsberar geta sáð sér talsvert og sé þess ekki óskað er ráðlegt að klippa blómstöngla af að blómgun lokinni. Vatnsberi/Sporasóley frjóvgast með opinni frjóvgun og getur því víxlfrjóvgast við aðrar vatnsberategundir.